கொலு

உன் வீட்டில் எதற்கடி

கொலு அலங்காரம்

உயிருள்ள உயிர் வாங்கும்

பதுமையாக நீ இருக்கையிலே

உயிரற்ற பதுமைகள்

யாரை கவரப்போகின்றன

காலை வணக்கம்

பள்ளியில் ஆசிரியருக்கு கூட

நான் இவ்வளவு காலை

வணக்கம் சொன்னதில்லை

உனக்கு காலை

வணக்கம் சொல்லாமல்

என் கணிணி

வேலை செய்வதே இல்லை

கனவு தேவதை

யாரையாவது காதலிக்கிறாயா என

என்னிடமே கேட்கிறாயே

உன்னை தான் என சொல்லி

நம் உறவை முறித்து கொள்ள

நான் விரும்பவில்லையடி

நீ காதல் தேவதையாக வேண்டாம்

கனவு தேவதையாகவே

இருந்து விட்டு போ !!!

வரதட்சணை

உன்னை உரித்தாக்கி கொள்ள

பணம் நகை எதுவும் வேண்டாமடி

அதுதான் 916 புன்னகையுடன்

அழகின் ரிசர்வ் வங்கியாக
நீ இருக்கிறாயே

நிஜமான நிழல்

நிழலாய் இருந்த உன்னை
நிஜமாய் பார்த்த முதல் நாள்
அலாரம் வைத்து விட்டு
உடலளவில் உறங்கி விட்டேன்
மூன்று முறை விழித்து பார்த்து
கடைசியில் அலாரத்தை
நான் எழுப்பினேன்
எனக்கு உன்னை பிடிக்கும் என
உனக்கு தெரியாது
உனக்கு என்ன பிடிக்கும் என
எனக்கு தெரியாது
மனதில் பட்டிமன்றம் நடத்தி
உடை தேர்வு செய்தேன்

நிழற்ப் படம் பார்த்தே உன்
நிஜத்தை கற்பனை செய்தவன்
நிஜமாய் உன்னை பார்க்கும் போது
உன் நிழலை கூட
முழுதாய் பார்க்கவில்லை

ஒற்றை வார்த்தை

எந்த தேர்விற்கும் நான் இவ்வளவு
தயார் செய்ததில்லை
உன்னுடன் பேசும் முன்பு
என்ன பேச வேண்டும் என
பட்டியல் இடுகின்றேன்
பாவி மனது நீ ஹலோ சொன்னவுடன்
எல்லாவற்றையும் மறந்து விடுகிறது
எங்கேயடி கற்றுக்கொண்டாய்
ஒற்றை வார்த்தையில்
ஒருவனை சாய்ப்பதை

ஆசை

எப்போது அலை பேசி அடித்தாலும்

கை எடுத்து கண் பார்க்கும் முன்னே

மனம் குதித்து கேட்கிறது

அழைப்பது அவளா என

பார்க்கும் முன்னரே தெரிய வேண்டுமென

அவளுக்கு மட்டும் அழைப்பு மணியை

மாற்றி பார்த்தேன், எந்த ஓசை கேட்டாலும்

அந்த ஓசையா என

மனம் ஆசை படுகிறது